Xedea, ikuspegia eta balioak

Xedea

Lesaka herrian, dagoen D ereduko lerro bakarreko ikastetxe publikoa gara, 2 urtetik 12 urte bitarteko hezkuntza eskaintzen duena.

 

  • Kalitatezko heziketa akademiko eta pertsonala eskaintzen duen eskola da, hezkuntza integralaren bidez ikasleen gaitasunak ahalik eta gehien garatzen laguntzen duena.

  • Euskara eta euskal kultura ardatza izanik, eleaniztasuna bultzatzen duen eskola.

  • Espazio eta baliabide aukera zabaleko eskola.

Ikuspegia

Gure eskolan nahi dugu:

Ikasketa esanguratsua eta ikasleen erritmo eta prozesu desberdinak errespetatzen dituzten metodologia inklusiboak bultzatzea dituen eskola.

  • Hizkuntzen tratamendu integratua bultzatzea, ikasleen hizkuntza-gaitasuna garatzeko: euskaraz, gazteleraz, ingelesez eta frantsesez trebatuz.

  • Gure lan-ildoetan etengabeko hobekuntza bilatzea, eraldaketa sozialari erantzungo dioten aldaketa metodologikoen bidez eta irakasleen prestakuntzaren bidez. 

  • Informazioaren eta komunikazioaren teknologien integrazioa sustatzea, ikasteko tresna gisa. 

  • Ikastetxearen kudeaketa, etengabeko hobekuntzan oinarritutako kalitatea kudeatzeko sistemaren bidez egitea.

  • Hezkuntza-lana familien eta eskolaren arteko baterako lana izatea. 

  • Instalazioak berritzen eta materialaren kudeaketan hobekuntzak ezartzea.

  • Euskara eta euskal kultura ardatza izanik, herriko ohituretan parte hartzea bultzatzea.

Balioak

 

Gure jokabidearen eta jarreraren erreferentzia gisa balio duten BALIOAK honako hauek dira:

  • Errespetua, autonomia, esfortzua, hezkidetza, berdintasuna, ardura, lankidetza, inplikazioa, jokabide partehartzailea eta elkarlanekoa.